अब आग लागी अब डीजल के किमत मेँ | |
 | 25 अप्रैल 2012, 14:00 IST अब महंगाई के मार जल्दिए डीजल पर पड़ सकेला काहेँ से कि सरकार डीजल के नियंत्रण मुक्त कर सकेले. |
महंगाई से जुझ रहल आम आदमी बदे कवनो राहत के खबर नईखे बल्की खबर बा कि जल्दिए डीजल के दाम भी बढ़ सकेला.
ओकरा के देख के अबहिने से भाजपा आ तृणमूल के पारा गरम हो गईल बा। भोजपुरी खोज.काँम के सूत्रन से मिलल जानकरी के अनुसार अइसन संभव बा कि सरकार डीजल के नियंत्रण मुक्त ना कर सके आ दाम भी ना बढ़ा सके ।
सरकार के एह फैसला पर एक बार फिर भाजपा आ खासकर तृणमूल के विरोध के सामना करे के पड़ सकेला । काहेँ से कि संसद में जवना तरीका से सरकार डीजल के दाम बढ़ावे के बयान देले बिया ओकरा से त ईहे लागता ।
गौरतलब बा कि मंगर के सरकार द्वारा डीजल के कीमत के बारे मेँ आपन एक साल पुरान फैसला के बात दोहरावल गईल जेकरा के देख के विपक्षी दलन के साथ ह सहयोगी दल तृणमूल कांग्रेस के भी पारा गरम हो गईल बा।
अब अईसे सरकारी तेल कंपनियन के मुसीबत हाल-फिलहाल खत्म होखत नईखे लऊकत ।
राज्यसभा में वित्त राज्यमंत्री नमोनारायण मीणा एगो प्रश्न के लिखित जवाब में कहलेँ कि, डीजल के कीमत के विनियंत्रित कईला के सैद्धांतिक फैसला अब हो चुकल बा।
मीणा के ई बयान क मीडिया में अईला के बाद भाजपा के प्रवक्ता प्रकाश जावेडकर कहलेँ कि बुझात बा कि सरकार अब बहुते जल्दिए ही डीजल के कीमत बढ़ावे जा रहल बिया। आ सरकार के एह तरह के कवनो भी कदम के भाजपा पूरा विरोध करी।
ताजा खबर अपना मोबाईल पर पावे बदे m.bhojpurikhoj.com पर विजीट करीँ
